Noticias

Nace en Galicia un proxecto pioneiro para poñer en valor a cultura a través da realidade virtual e aumentada

By 19 Febreiro, 2021 No Comments

A empresa galega Këndra impulsa Virtual Tardis, un proxecto que permite ver a reconstrución dun castelo a tamaño real ou que podamos vivir unha celebración en primeira persoa

Virtual Tardis desenvolveu xa o primeiro percorrido virtual gamificado dunha Rede de Museos con membros de Galicia, Portugal e Asturias

A gamificación a través da realidade virtual e aumentada permite reducir ata nun 30% o tempo medio de adquisición de coñecemento

 

Vigo (Pontevedra), 19 de febreiro de 2021. A empresa galega Kendrä, premiada en marzo de 2020 como iniciativa Emprendedora de Galicia e especializada en desenvolvementos en realidade aumentada e virtual, impulsa Virtual Tardis, un proxecto que ofrece novas experiencias turísticas e culturais a partir da gamificación.

Reconstrucións de diferentes períodos históricos, maquetas virtuais, paseos virtuais, mapas aumentados ou interactivos, experiencias teatralizadas en realidade virtual, procuras do tesouro, visitas guiadas personalizadas, unidades didácticas, campañas promocionais ou eventos virtuais. Son as posibilidades que abre a empresa Kendrä a través de Virtual Tardis, todas elas desenvolvidas a través da Realidade Aumenta e/ou Virtual. “A iniciativa supón un conxunto de novas experiencias nas que o turista, visitante ou estudante pode mergullarse en recreacións exactas de elementos culturais ou ser partícipe de feitos históricos”, destaca Javier Davila, da empresa Kendrä, “a gamificación a través da realidade virtual e aumentada reduce ata nun 30% o tempo medio de adquisición de coñecemento xa que favorece a asimilación de conceptos, aumenta a motivación e incrementa a interacción”.

 

Percorrido virtual por museos, primeiro proxecto de Virtual Tardis

Os Grupos de Acción Local do Sector Pesqueiro (GALP) contrataron o desenvolvemento do primeiro percorrido virtual didáctico gamificado dunha Rede de Museos, a Rede REMA. O proxecto, REMA 360º, estará dispoñible en formato competición para todos os colexios localizados en zonas costeiras de Galicia, durante este ano.

Os centros escolares interesados en participar nesta actividade poden realizar a súa solicitude ata o 28 de febreiro a través do correo electrónico  rema360@redrema.eu. As prazas son limitadas e a inscrición é gratuíta. Máis información na web: www.redrema.eu/rema-360/

O equipo promotor de Virtual de Tardis aposta agora máis que nunca, en tempos de pandemia, polas novas tecnoloxías como elemento esencial de divulgación e aprendizaxe cultural. Por outra banda, o proxecto inclúe o ingrediente da diversión para atraer a un maior número de público, especialmente ao máis novo.

 

Virtual Tardis

http://www.virtualtardis.es/.

Mail: dirección@virtualtardis.es

Leave a Reply

Este sitio emprega Akismet para reducir o spam. Aprende como se procesan os datos dos teus comentarios.