A Torre de Hércules é o único faro romano que segue na actualidade cumprindo coa súa función de servir de sinal marítima. Foi construída polo Imperio Romano, probablemente entre a segunda metade do século I ou a comezos do século II. No ano 2009 foi declarada Patrimonio da Humanidade.
Acompáñase dun museo ao aire libre, un parque escultórico que se estende ao longo de 47 hectáreas onde se fai referencia ao pasado mariñeiro de Galicia.
