Coa colaboración dos oito GALP galegos (Grupos de Acción Local do Sector Pesqueiro), a Rede de Espazos Museísticos Atlánticos organizou a exposición itinerante “O Océano que nos une”, que percorre os museos adheridos á rede e mostra elementos significativos de temática mariña relacionados coa pesca, a etnografía, a historia ou o medioambiente.
Agora, podes consultar desde o teu fogar os paneis que conforman a exposición. Con todo, animámosvos a visitar os diferentes museos e descubrir os tesouros que esconden.
