Neste antigo barco boniteiro pódense visitar todos os seus compartimentos: a cuberta, a ponte baixo cuberta e o interior do casco.
Ao longo da visita pódese comprobar o funcionamento dos principais equipos de navegación e comunicación e a situación dos diferentes compartimentos do mesmo: os camarotes, o comedor, a cociña, as zonas de descanso da tripulación e a neveira.
Nestes espazos expóñense os artiluxios utilizados para as artes de pesca artesanais coma a pesca do bonito, da merluza e do peixe espada, así como os utilizados para as artes de marisqueo.